I. Requiem Requiem aeternam Requiem aeternam dona eis, Domine, et lux perpetua luceat eis. Te decet hymnus, Deus, in Sion, et tibi redetur votum in Jerusalem. Exaudi orationem meam. Ad te omnis caro veniet. Requiem aeternam dona eis, Domine, et lux perpetua luceat eis. Kyrie eleison; Christe eleison. II. Dies irae Dies irae Dies irae, dies illa solvet saeclum in favilla, teste David cum Sibylla. Quantus tremor est futurus, quando judex est venturus cuncta stricte discussurus. Tuba mirum Tuba mirum spargens sonum per sepulchra regionum coget omnes ante tronum. Mors stupebit et natura, cum resurget creatura judicanti responsura. Liber scriptus Liber scriptus proferetur in quo totum continetur, unde mundus judicetur. Judex ergo cum sedebit quidquid latet apparebit, nil inultum remanebit. Quid sum miser Quid sum miser tunc dicturus, quem patronum rogaturus cum vix justus sit sicurus? Rex tremendae Rex tremendae majestatis qui salvandos salvas gratis salva me, fons pietatis. Recordare Recordare, Jesu pie, quod sum causa tuae viae, ne me perdas illa die. Quarens me sedisti lassus, rede misti crucem passus; tantus labor non sit cassus. Juste judex ultionis, donum fac remissionis ante diem rationis. Ingemisco Ingemisco tamquam reus, culpa rubet vultus meus, supplicanti parce, Deus. Qui Mariam absolvisti et latronem exaudisti, mihi quoque spem dedisti. Preces meae non sunt dignae, sed tu bonus fac benigne, ne perenni cremer igne. Inter oves locum praesta et ab hoedis me sequestra, statuens in parte dextra. Confutatis Confutatis maledictis, flammis acribus afflictis, voca me cum benedictis. Oro supplex et acclinis, cor contritum quasi cinis, gere curam mei finis. Lacrimosa Lacrimosa dies illa qua resurget ex favilla judicandus homo reus; huic ergo parce Deus. Pie Jesu, Domine, dona eis requiem. Amen. III. Offertorio Domine Jesu Christe Domine Jesu Christe, rex gloriae, Libera animas omnium fidelium defunctorum de poenis inferni et de profundo lacu. Libera eas de ore leonis, ne absorbeat eas tartarus, ne cadant in obscurum; sed signifer sanctus Michael representet eas in lucem sanctam, quam olim Abrahae promisisti et semini ejus. Hostias et preces tibi, Domine, laudis offerimus, tu suscipe pro animabus ilis, quarum hodie memoriam facimus; fac eas, Domine, de morte transire ad vitam, quam olim Abrahae promisisti et semini ejus. IV. Sanctus Sanctus Sanctus, sanctus, sanctus, Dominus Deus Sabaoth! Pleni sunt coeli et terra gloria tua. Hosanna in excelsis! Benedictus qui venit in nomine Domini! Hosanna in excelsis! V. Agnus Dei Agnus Dei Agnus Dei, qui tollis peccata mundi, dona eis requiem. Agnus Dei, qui tollis peccata mundi, dona eis requiem sempiternam. VI. Lux Aeterna Lux Aeterna Lux aeterna luceat eis, Domine, cum sanctis tuis in aeternam, quia pius es. Requiem aeternam dona eis, Domine, et lux perpetua luceat eis cum sanctis tuis in aeternam, quia pius es. VII. Libera me Libera me Libera me, Domine, de morte aeterna in die illa tremenda, quando coeli movendi sunt et terra, dum veneris judicare saeculum per ignem. Tremens factus sum ego et timeo, dum discussio venerit atque ventua ira: quando coeli movendi sunt et terra. Dies irae, dies illa, calamitatis et miseriae, dies magna et amara valde, dum veneris judicare saeculum per ignem. Requiem aeternam dona eis, Domine, et lux perpetua luceat eis. Libera me, Domine, etc.